منتديات يســــــوع مخلصـــى


 
الرئيسيةالبوابةالتسجيلالمجموعاتدخول

شاطر | 
 

 ابو طاقية وجلابية

اذهب الى الأسفل 
كاتب الموضوعرسالة
جورج كامل
مشرف قسم القصص القصيرة
مشرف قسم القصص القصيرة
avatar

ذكر
عدد الرسائل : 222
العمر : 41
نقاط : 0
السٌّمعَة : 0
تاريخ التسجيل : 21/02/2008

مُساهمةموضوع: ابو طاقية وجلابية   الإثنين مارس 10, 2008 12:41 am

تحكى تاماف ايرينى فتقول :
احكى لكم شوية حكايات عن الفردوس ...

ابو طاقية وجلابية .... راجل طيب نجار فى احدى قرى قنا اسمه عم رشدى ...............

كان تقيا وبسيط خالص يشتغل شوية ويصلى شوية ويقرأ الانجيل شوية ... ومع انه فقير
ويعيش عيشة الجفاف الا انه كان يعطف على الفقراء وقلبه مليان رحمة ... كل مايشوف
حد غلبان يديله طاقية والجلابية الداخلية الرخيصة.... مراته تتخانق معاه ... انا اسهر
واخيط واتعب وانت توزع ببلاش ... كان يقول لها بعتهم قدامى فى السماء .....

مات عم رشدى وكفنوه وحطوه فى الصندوق وقبل مايقفلوه ... اتحرك .....
ارتعبوا الاهل .. قال لهم .... ماتخافوش ... انا هاقعد معاكم 3 ايام فقط ... وبعدين اروح
الفردوس تانى .... ربنا رجعنى للارض علشان اقول رسالة ...

لما روحى فارقت جسدى .... الملايكة اخذتنى بزفة الى السماء وطلعونى للفردوس
وهناك سجدت قدام رب المجد .... رحب بى بكل حب وحنان ... وقال لى ............

"انت كنت بتعمل رحمة كتير .. ياما لبست اخواتى الفقراء جلابيتك وطاقيتك وكنت
بسيط " ..... وامر الملايكة يعملوا ترنيمة جديدة ..... لقى نفسه يسبح زى الملايكة
تسابيح عمره ماقالها قبل كده ولايعرفها ... وامرهم يزوروه مواضع الاباء الشهداء
والقديسين .... وشاف كل قديس وشهيد .... والملاك عرفه مين ده .... ورب المجد
قال له " يارشدى انت هاتنزل الارض تانى " ..... فرد رشدى ليه يارب خلينى معاك
دى السماء حلوة وكلها فرح وسلام ...

قال له رب المجد

" 3 ايام فقط وتيجى تانى ... علشان تقول للناس انهم يعملوا رحمة علشان ارحمهم
فى السماء ويعيشوا فى مخافتى وينفدوا وصاياى علشان يتمتعوا بالمجد فى السماء"

وفعلا رقد عم رشدى بعد 3 ايام زى ماقال لهم وبعد مابلغ الرسالة .

بركة ام النور وجميع القديسين وبركة امنا القديسة امنا ايرينى رئيسة دير القديس
العظيم ابى سفين تكون مع جميع اعضاء المنتدى .

رسائل تاماف ايرينى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابو طاقية وجلابية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات يســــــوع مخلصـــى :: قصص وسير ومعجزات :: المعجزات مكتوبه-
انتقل الى: