منتديات يســــــوع مخلصـــى


 
الرئيسيةالبوابةالتسجيلالمجموعاتدخول

شاطر | 
 

 ابن زوات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
inin
مشرفه المنتدى العام
مشرفه المنتدى العام
avatar

انثى
عدد الرسائل : 236
نقاط : 0
السٌّمعَة : 0
تاريخ التسجيل : 03/04/2008

مُساهمةموضوع: ابن زوات   الإثنين مايو 26, 2008 12:05 am

القصيده دى منقوله من موقع صديق وكنت اتمنى اكون انا اللى كاتباها لكن انا بحب الشخص ده جدا وباحب اسلوبه وبعد اذنه طبعا هانقل لكم اللى كاتبه لأنه بصراحه رائع واسلوبه مميز


إبن ذوات

نفسى أتولد من تانى .. يااااه .. وأرجع أوأوأ و أدمّع
أذِن لما أبقى جعان .. و أضحك وأطنطط لما أشبع
اللى عايزه أعملـُـه .. من غير ما انـفـَّع و استنـفـَّع
واللى جوايا على طول يطلع .. ببساطة من غير ما اتصـنـّع
إحساسى يبان على وشى .. من غير ما ألف و ادور و ارجع
لو محتاج حد أروحلـُه .. من غير ما أدلـّل و أتمـنــَّع
لو حد زعلنى أسامحُه .. من غير ما أتكبر و أدلع
..
يا ريت أتولد من تانى .. ومن غير لسانى .. كل اللى فـ قلبى هيطلع
بدل ما انا عايش بعانى .. من غير معانى .. لا أتكلم ، لا أرى ، لا أسمع
بس المشكلة إنى بحس .. و هُس هُس .. كاتم وبتوجـّع
ذى وردة ورقها بيتنتف ، عـ الأرض يتحدف ، واللى بيروح مش بيرجع
يا ترى فيه أمل .. وللا الخيبة راكبة جمل .. و ماعدش ينفع
يا ترى الزمن هيخجل .. والليل هيرحل .. والشمس تسطع
ولا آخد بعضى وامشى .. و ما احلمشى .. لا الحلم يخدع
و ألاقى نفسى من غير أخلاق .. ولا أوراق .. أصلع
..
هروح أدور على أرض تانية .. برضُه فانية .. لكن أجدع
تحب اللى عايشين عليها .. تفرد إديها .. تحضن وترفع
كل اللى يزرع جواها .. تمطر عليه سماها .. و الزرع يطلع
لازم أدور على أرضى .. لازم أتغلب على مرضى .. وألاقى مطلع
لازم أثور .. عـ الأرض البور .. و ألاقى منبع
أنا أصلى إبن الثورات .. مش إبن ذوات .. ذوات الأربع


جرجس صهيون
__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ابن زوات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات يســــــوع مخلصـــى :: اهـــــــــــــــــلا وسهــــــــــــلا :: المنتدى العام-
انتقل الى: