منتديات يســــــوع مخلصـــى


 
الرئيسيةالبوابةالتسجيلالمجموعاتدخول

شاطر | 
 

 شوف رجالة المستقبل استعدوا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
inin
مشرفه المنتدى العام
مشرفه المنتدى العام
avatar

انثى
عدد الرسائل : 236
نقاط : 0
السٌّمعَة : 0
تاريخ التسجيل : 03/04/2008

مُساهمةموضوع: شوف رجالة المستقبل استعدوا   السبت مايو 31, 2008 2:54 pm

تخيلوا البنات يخطبوا الشباب ..و للأمانة منقولمن موقع سورى وعربته ..بس روعة
يعني تتفاجأ في يوم وانت قاعد تقرا كتاب رومانسي cheers وأنواع الأحلام الورديه (يااي) و سرحان في فارسة احلامك على الحصان الابيض..
الا و امك داخلة عليك و جاية من بيت جيرانكم و تقولك: يا ابنى عايزة اكلمك في موضوع. .
ترد انت بكل خوف : خير يامه؟ ....
تقول امك: جارتنا ام فتكات عايزة تخطبك لبنتها. وانت ماشالله كبرت و احلويت والعين عليك ها ايه رايك؟ ....

انت تبص في الارض و تلعب باصبعك في شعرك (او شنبك)و ترد و انت مكسوف و خدودك حمرة (ده ان كنت حالق دقنك ) و تقول: ....
الراي رايك والشور شورتك يامه..

تقول امك: انا بصراحة مش شايفه في البنت حاجه تتعيب

بسم الصليب عليها محترمة و وظيفتها حلوة ومرتبها ممتاز و من عيلة محترمة و من البيت للكنيسه و من الكنيسه للبيت ..
ولا بتلبس ضيق ولا بتسهر بره ولابتشرب سجاير
يعني بنت لقطه . .
تقول انت : بس يا امه هي ما شافتنيش . انا دايما قاعد فى البيت
تقول امك: هي شافتك و انت نازل من باص المدرسة
بس ..و سألت عنك و قالو لها ولد مؤدب وابن سوق و كوفي شوب و ما بيطلعش بره البيت الا مع ابوه.
و هي و امها جايين يوم الخميس علشان يشوفوك..

تسال انت: طيب ياامه ابويا رايه ايه ؟

تقول امك: ابوك لسه ماعرفش خليه حايس في المطبخ الله يعينه..

تقول انت :اللي تشوفيه يامه. .وتطلع امك من الاوضه

وتنط انت قدام المرايه و تاخذ نص لفة يمين و نص لفة شمال تشوف جسمك و تسرح شعرك و شنبك بدلع (ياعمري)

و تقول : اه اخيرا حست و خطبتني.

و قبل يوم الخميس تروح انت لكوافيير رجالي Wink و تكون حاجز عنده علشان تصبغ شعرك (هاي لايت) و تظبط حواجبك

وتجي البيت و تلبس اللبس اللى اشتريته من وكالة البلح علشان المناسبه دى واللي فيه فتحة من عند الرجلين و فتحه في الظهر وسيور و المكياج والبرفاه اللى ريجته تجيب اخر الشارع و تنزل للصالة

ويقولك ابوك : يالل دخل العصير على خطيبتك امك عماله تستعجلنا

تقول انت بكل خجل: لالايا بابا انا مكسوف

ابوك يقولك وهو يطيطب عليك و يضحك يا ولد روح لعروستك إهئ إهئ

تقول انت: يا بابا دايما تحرجني انت ...

و تاخذ صينية العصير و تدخل الصالون اللي فيه البنت بكل نعومه ورقه ودلع وأدب و تقول بصوت ناعم: احم احم مساء الخير
ترد هي بعد ما وقفت مساء النور ( و هي بتبص لك وتبحلق فيك )
و تقولها اتفضلي....

تقول هي: انهى الاحلى العصير الاحمر و لا الاصفر؟ قال يعنى عايزة تلطف القاعده .

تقول انت: كله حلو

تقول هي: اكيد كله حلو لانك انت اللي عامله

وبعدين تحط الصينية بسرعة وايدك على بقك و تضحك و تروح داخل بسرعة


الا اخواتك مستنيينك بره ويسالوك اها شكلها ايه حلوة ولا وحشه

تقول انت: الله تهبل تهبل حلوة و دمها خفيف و ذوق جامدة موووووت

الا ابوك من المطبخ يزغرط
لللللللوووولللللوووووشششش شششش مبروك يا ابنى

وتدخل اختك العربجية من بره و حاطه عبايتها على كتفها و تقول : خير فى ايه !!

يقولها ابوك : وطى صوتك في واحده جوه خطبت اخوك ..

تقول اختك: وهي شافته فين علشان تيجى تخطبه هاه؟؟؟؟ و تضربك بالقلم tongue و تصرخ والله لا اخلى ليلتها سوده اللي جايه تخطب اخويا شباب آخر زمن

وتدخل امك وتضربها قلم و تطلع اختك بالعربيه وهى متاثره ....

و تمر الايام و انت تجهز لبس الفرح و الكوشة و بيت الزوجية و خلال الفترة دى تتمشى انت وهى بالعربيه و تحاول انها تمسك ايدك و انت تتكسف (مع ان نفسك تمسكها موووووت)و انت تقول لا لا عيب حد يشوفنا
و ييجي يوم الفرح و تقعد انت في الكوشة و كل الشباب حواليك يرقصوا


وقاعده العروس جنبك و ترفع الطرحة و تقولك: انت النهارده ذى القمر

وتبص فى الارض وتتكسف

و يتم الجواز و بعد تسعة شهور تصرخ في الليل الطلق سخن



و يودوك المستشفى و تولد و تجيب توأم

وتطلع من المستشفى Mad لبيت اهلك علشان سيادتك نفسه

و تاخذها مراتك فرصة و تسافر مع البنات ويلعبوا بديلهم قبل ما تخلص مدة نفاسك الله يساعدك الله يساعدك ويكون فعونك

و ترجع لبيتك تربي عيالك و تطبخ الغدا لمراتك

وتتخانقون ساعات و تنام و دمعتك على شنبك

ويزيد حدة الخلاف و تاخذ هدومك و عيالك و تروح لبيت اهلك

و تصلح امك ما بينكم و ترجع الحياة ذى الاول....
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
@RoM
المـــدير العـــام
المـــدير العـــام
avatar

ذكر
عدد الرسائل : 882
نقاط : 0
السٌّمعَة : 0
تاريخ التسجيل : 23/01/2008

مُساهمةموضوع: رد: شوف رجالة المستقبل استعدوا   السبت مايو 31, 2008 7:32 pm

ههههههههههههههه جميله جدا جدا جدا وحلوة اوى الصياغه الجميله دى مؤلفه ياخواتى لا جامدة يافوفة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوف رجالة المستقبل استعدوا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات يســــــوع مخلصـــى :: اهـــــــــــــــــلا وسهــــــــــــلا :: المنتدى العام-
انتقل الى: