منتديات يســــــوع مخلصـــى


 
الرئيسيةالبوابةالتسجيلالمجموعاتدخول

شاطر | 
 

 اتنين مش واحد

اذهب الى الأسفل 
كاتب الموضوعرسالة
inin
مشرفه المنتدى العام
مشرفه المنتدى العام
avatar

انثى
عدد الرسائل : 236
نقاط : 0
السٌّمعَة : 0
تاريخ التسجيل : 03/04/2008

مُساهمةموضوع: اتنين مش واحد   الثلاثاء يونيو 10, 2008 3:16 pm

اتنين مش واحد


حاسس انى اتنين مش واحد ذى بقيت البنى أدميـــــــــــــن


واحد شرانى و ده البرانـــى .. مطلع عينى جنى لعيـــــــــــــن

و واحد انسانى و ده جوانى .. ما بيطلعش غير كل فيــــــــــن

طـــب يا ترى أنا الحـقـانــى .. أنهى واحد فى الإتنيـــــــــــــــن

صعبان علىّ قوى الشرانــى .. ضحية بيئة و زمن مجانيـــــن

لكــنه بهــدلـــنى و ورانـــى .. حاجات ما تصدقهاش العيـــــن

خلانى خالص واحد تانـــــى .. ماعرفش حتى جابه منيــــــــن

واحد يائس ضايــع أنــانــى .. أوفى منه الكلب أبو ودنيـــــــن

فارض نفسه على هرانــــى .. أهـــرب منـه يا عـالـم فيـــــــن

و يا عينى غلبان الإنسانــى .. حبسه التانى ما بين فكيــــــــن

كل ما يطلع حتى ثوانـــــــى .. يلقى التانى ماسك سكيــــــــــن

و كل ما يظهر يرجع تانـــى .. غلبان وعاجز مكسور حزيـــــن

فقد القوة خلاص يا زمانــى .. وراضى يكون فى العمق دفيـــن

اترجيته يصمد علشانـــــــى .. شفت دموعه مليا العيـــــــــــــن

قال لى خلاص قتلنى التانـى .. و نزيف قلبى صبح نهريــــــــن

شوية وقت ساعات و ثوانى .. بعدين خلاص مش هنبقى اتنين

انا بس بأآوح فى مكانــــــى .. نفسى اعمل حاجة تفضل لسنين


و لــو بالــــكدب الأبيضانى .. بس الكدب مالوش رجليـــــــــن

كفاية خلاص حـاول تنسانى .. و اتعود على الشرانى ده متيــن

هو أحسن لك فى زمن فانى .. الناس ببعضها مش حاسييــــــن

و لو اشتقت فى يوم لزمانى .. فى التليفزيون شوفلك فلميـــــن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اتنين مش واحد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات يســــــوع مخلصـــى :: اهـــــــــــــــــلا وسهــــــــــــلا :: المنتدى العام-
انتقل الى: